Mësohet se Miroslav Lajçak, Emisari i Bashkimit Evropian për dialogun Kosovë-Serbi, ka raportuar të martën në mëngjes për një “takim shumë produktiv” me Gabriel Escobar, të dërguarin e Shteteve të Bashkuara të Amerikës.
“Takimi me të dërguarin special të SHBA-së, Escobar, ishte jashtëzakonisht frytshëm. U zhytëm në disa diskutime të thella dhe pres me padurim të vazhdojmë bisedimet për të zhvilluar më tej qëndrimet tona", ka shkruar Lajçak në Twitter, pa dhënë detaje nëse bisedimet specifike përfshinin dialogun Kosovë-Serbi.
Në një kohë që të dy emisarët janë në fund të mandatit të tyre, Lajçaku pritet të marrë një rol të ri si ambasador i Bashkimit Evropian në Zvicër. Ndërkohë, Departamenti i Shtetit i SHBA ka njoftuar se Escobar do të marrë një detyrë të re brenda disa javëve.
Gjithashtu, ndihmëssekretari amerikan i Shtetit për Evropë dhe Euroazi, James O’Brien, ka bërë të ditur se gjatë kësaj jave pritet të zhvillohen takime në Washington me Lajçakun për të koordinuar përkrahjen ndërmjet SHBA-së dhe BE-së për Ballkanin Perëndimor.
Emisari Lajçak ka qenë në detyrë që nga 2 prilli i vitit 2020, ndërsa Escobar ka marrë rolin e tij nga shtatori i vitit 2021, duke treguar një angazhim të vazhdueshëm dhe të fortë të dy fuqive, në favor të stabilitetit në rajon, me një theks të veçantë për Serbinë./BS
