Gjashtë ditë më parë Komisioni Disiplinor dhe i Etikës i Federatës së Futbollit të Kosovës (FFK) e dënoi trajnerin e Llapit, Tahir Batatina me tri ndeshje mos paraqitje në stolin e skuadrës së tij si dhe me 500 euro.
Kjo ndalesë në pjesëmarrje në lojë në kohëzgjatje prej tri ndeshjeve vjen si pasojë e sjelljeve të gabuara dhe jo sportive të Batatinës pas ndeshjes mes Dukagjinit dhe Llapit.
Por ky dënim tani është zbritur në vetëm dy ndeshje, por gjoba prej 500 eurosh qëndron ende.
Ulja e dënimit për Batatinën vjen nga Komisioni i Ankesave me arsyetimin se trajneri i Llapit ka kërkuar falje për reagimin e tij, duke thënë se “kjo është hera e fundit që ndodh dhe nuk do të ndodhë më asnjëherë në karrierën e tij”.
Vendimin dhe arsyetimin nga FFK për ankesën e Tahir Batatinës e gjeni më poshtë.
