Numri i madh i aksidenteve në trafik po vazhdon të jetë shqetësues.
Çdo ditë raportohet për aksidente të shumta në komunikacion dhe në të shumtën e rasteve shkaktohen si pasojë e pakujdesisë së shoferëve gjatë vozitjes, duke rrezikuar kështu jetën e tyre dhe të pjesëmarrësve tjerë në trafik.
Kështu vetëm në 24 orët e fundit në Kosovë janë regjistruar 24 aksidente me të lënduar, dhe 27 të tjera me dëme materiale.
Gjatë kësaj periudhe janë shqiptuar 1 mijë e 718 gjoba trafiku, bën të ditur raporti i policisë.